«Казан нуры» халык уен кораллары оркестры һәр язда тамашачыларын концерт белән сөендерә. Татарстан Республикасының халык артисты Рәсим Ильясов җитәкчелегендәге оркестр белән Татарстан Республикасының халык артисты Фердинанд Фәтхи, Татарстан Республикасының атказанган һәм Башкортстан Республикасының атказанган артисты Рөстәм Асаев, Татарстан Республикасының атказанган артистлары Гөлшат Имамиева, Алинә Шәрипҗанова, Сиринә Зәйнетдинова, Николай Коновалов, Айдар Габдинов, «Фәрида-Алсу» дуэты, халыкара конкурслар лауреатлары Гөлназ Гафурова, Рөстәм Насыйбуллин, Әмир Әхмәдишин, Алсу Вәлиуллина чыгыш ясаячак.